आमच्याबद्दल

या संघटनेचा अध्यक्ष या नात्याने मी संघटनेतील संबंधित सर्व कार्यरत असलेल्या विभागीय प्रमुख, जिल्हाप्रमुख, तालुका प्रमुख, व गाव सदस्य प्रमुख व इतर पदाधिकारी यांचे स्वागत,अभिनंदन व कौतुक करतो. ज्यांच्या प्रेरणेतून आपल्या संघटनेची उभारणी झाली अशा थोर महान व आदर्शवादी अवघ्या महाराष्ट्राचे आद्य दैवत छत्रपती शिवाजी महाराज, धर्मवीर छत्रपती संभाजी महाराज, महात्मा ज्योतिराव फुले, राजर्षी शाहू महाराज, डॉक्टर बाबासाहेब आंबेडकर व महाराष्ट्रातील सर्व समाज परिवर्तकांना अभिवादन करतो.

या संघटनेमध्ये प्रवास करीत असताना संघटनेची उद्देश समोर ठेवून ते पूर्ण करण्यासाठी संघटनेचे पदाधिकारी व सदस्य अहोरात्र प्रयत्न करीत आहेत.

समाज परिवर्तन करीत असताना कोणतीही लढाई ही संघर्षाशिवाय होत नाही. आपली संघटनेची वाटचाल ही अशीच आहे. मला अभिमान वाटत आहे की आपल्या संघटनेचे पदाधिकारी व सदस्य हे शेतकरी, शेतमजूर,कृषी ,कामगार,आरोग्य,शिक्षण ,सहकार ,महिला या घटकांचा सर्वांगीण विकास करण्यासाठी सर्वोपरि प्रयत्नशील आहेत. मला विश्वास आहे की, आपली संघटना भारतीय संविधानाने दिलेल्या अभिव्यक्ती स्वतंत्र्य,सामाजिक,धार्मिक, सांस्कृतिक व शैक्षणिक स्वतंत्र यासारख्या मूलभूत हक्कांचे संरक्षण करून वंचित, बेरोजगार, भ्रष्टाचार, बाल मजुरी, पर्यावरण प्रदूषण विरुद्ध आवाज उठवणे व गोर-गरिब लोकांच्या न्याय हक्कासाठी लढा देत राहील. त्यासाठी महाराष्ट्रातील तरुण-तरुणींनी, विद्यार्थी-विद्यार्थिनी आव्हान करतो की संघटनेमध्ये सहभागी व्हावे. तरी सर्व पदाधिकारी व सदस्य यांना मी शुभेच्छा देतो.
धन्यवाद